Laqgħa virtwali bejn il-Ministru għall-Affarijiet Barranin u Ewropej Evarist Bartolo u Miguel Ángel Moratinos Cuyaubé, Rappreżentant Għoli għall-Alleanza tan-Nazzjonijiet Uniti taċ-Ċiviltajiet (UNAOC)

Numru ta' Referenza: PR202437, Data ta' l-Istqarrija : Diċ 01, 2020
 
Il-Ministru Bartolo u r-Rappreżentant Għoli Moratinos kellhom diskussjoni dwar l-importanza tad-djalogu bejn reliġjonijiet bejn prattikanti ta’ twemmin differenti. Huma enfasizzaw ir-rilevanza tad-diplomazija bħala għodda biex tippromwovi d-djalogu u l-fehim. Iż-żewġ naħat apprezzaw l-iskambju u l-puntwalità tiegħu fid-dawl ta’ attakki terroristiċi riċenti.
 
Il-Ministru Bartolo u Moratinos saħqu li, meta nimxu lejn dinja aħjar, mhux biżżejjed li nindirizzaw biss il-bidla fil-klima u l-isfidi ambjentali, jekk ma nirrispettawx l-umanità ta’ xulxin u t-twemmin differenti kif rifless fl-Aġenda 2030 għall-Iżvilupp Sostenibbli.
 
Ġew skambjati ideat dwar proġetti potenzjali li Malta u l-UNAOC jistgħu flimkien imexxu ’l quddiem u aktar taħditiet se jsiru fil-ġimgħat li ġejjin.​