Aġġornament fuq l-ivvjaġġar lejn u minn Malta
– 22.10.2020
Il-‘lista ambra’
tal-pajjiżi:
Il-passiġġieri
kollha li jkunu qed jaslu Malta mill-pajjiżi li ġejjin ser
ikunu mitluba jissottomettu t-test li jirriżulta fin-negattiv tal-Polymerase
Chain Reaction (PCR) għall-COVID-19, qabel jitilgħu fuq titjiriet lejn Malta. Passiġġieri
li ma jippreżentawx dan iċ-ċertifikat ser jintalbu jagħmlu swab fl-Ajruport
Internazzjonali ta’ Malta jew jintalbu joqogħdu fi kwarantina malli jaslu Malta.
- L-Awstrija
- Il-Beljġu (l-ajruporti kollha)
- I-Bulgarija
- Ir-Repubblika Ċeka
- Franza (l-ajruporti kollha ta’ Pariġi, Marseille)
- L-Ungereija
- L-Irlanda
- L-Olanda (l-ajruporti kollha)
- Il-Polonja (Gdansk, Krakow)
- Il-Portugall (Porto)
- Spanja (Madrid, Barcelona u l-ajruport ta’ Girona)
- L-Isvizzera (l-ajruporti kollha)
- It-Tuneżija
- Ir-Renju Unit (Belfast, Cardiff, Leeds, Liverpool,
Manchester, Newcastle)
Passiġġieri
li jaslu mid-destinazzjonijiet imsemmija hawn fuq huma mitluba jippreżentaw
riżultat negattiv għall-iswab test li jkun sar sa 72 siegħa qabel.
Il-‘lista
l-ambra’ ser tkun aġġornata fuq bażi regolari.
L-ivvjaġġar
minn ‘pajjiżi siguri’:
Il-lista tal-pajjiżi kienet ippubblikata fl-Avviż Legali (LN)
244 tal-2020, Ordni ta’ Projbizzjoni fuq l-Ivvjaġġar (Estensjoni għall-Pajjiżi
Kollha) (Emenda), 2020; LN 255 tal-2020, Ordni ta’ Projbizzjoni fuq l-Ivvjaġġar
(Estensjoni għall-Pajjiżi Kollha) (Emenda Nru 2), 2020 u emendata b’ LN 280 tal-2020, Ordni
ta’ Projbizzjoni fuq l-Ivvjaġġar (Estensjoni għall-Pajjiżi Kollha) (Emenda Nru)
2020, LN 290 tal-2020, Ordni ta’ Projbizzjoni fuq l-Ivvjaġġar (Estensjoni
għall-Pajjiżi Kollha) (Emenda Nru 4), 2020, LN 289 tal-2020, Perjodu ta’
Kwarantina (Emenda Nru 4) LN 388 tal-2020, Ordni ta’ Projbizzjoni fuq
l-Ivvjaġġar (Estenzjoni għall-Pajjiżi Kollha) (Emenda Nru 5) 2020 u LN 333
tal-2020, Att dwar is-Saħħa Pubblika, Testijiet Mandatorji għal Ċertu
Regolamenti dwar Vjaġġaturi. L-ivvjaġġar lejn u minn dawn il-pajjiżi li ġejjin
huwa permess:
Andorra, l-Awstralja, l-Awstrija, il-Beljġu,
il-Bulgarija, il-Kanada, iċ-Ċina, il-Kroazja, Ċipru, ir-Repubblika Ċeka,
id-Danimarka, l-Estonja, il-Fillandja, Franza, il-Ġermanja, il-Greċja,
l-Ungerija, l-Islanda, l-Indonesja, l-Irlanda, l-Italja, il-Ġappun, il-Ġordan,
il-Latvja, il-Lebanon, Liechtenstein, il-Litwanja, il-Lussemburgu, Monaco, il-Marokk,
l-Olanda, New Zealand, in-Norveġja, il-Polonja, il-Portugall, ir-Rumanija, ir-Rwanda,
San Marino, is-Slovakkja, is-Slovenja, il-Korea t’Isfel, Spanja, l-Isvezja,
l-Isvizzera, it-Tajlandja, it-Tuneżija, it-Turkija, l-Emirati Għarab Magħquda,
ir-Renju Unit, l-Urugwaj, il-belt tal-Vatikan.
Ġibiltà, Hong Kong, Macau u Tajwan huma wkoll
meqjusa minn Malta bħala pajjiżi siguri għall-ivvjaġġar (ikkunsidrati mar-Renju
Unit u ċ-Ċina rispettivament).
Il-kwarantina mhux ser tkun applikabbli għal
persuni li jaslu Malta minn dawn il-pajjiżi, iżda persuni suspettati jintalbu
jagħmlu swab test.
F’dan ir-rigward, sakemm
l-imsemmija Projbizzjoni fuq l-Ivvjaġġar tibqa’ fis-seħħ, ċittadini Maltin huma
mwissija sabiex ma jivvjaġġawx lejn pajjiżi li mhumiex fil-lista t’hawn fuq (https://foreignandeu.gov.mt/en/Pages/Travel-Advice.aspx).
Dawk il-persuni biss li jkunu qattgħu minn
tal-anqas ġimgħatejn (2) f’wieħed jew aktar mill-pajjiżi t’hawn fuq qabel jaslu
Malta, ser ikunu jistgħu jivvjaġġaw mingħajr il-bżonn ta’ PCR test jew
kwarantina. Jekk le, jkun hemm bżonn ta’ test u perjodu ta’ kwarantina mal-wasla
tagħhom.
Ċittadini Maltin li jkollhom Karta
tal-Identità Maltija valida, u dawk li għandhom permess validu ta’ residenza
f’Malta, huma l-unika persuni eleġibbli biex jirritornaw Malta minn pajjiżi
li mhux fil-lista tal-pajjiżi siguri msemmija hawn fuq.
Madanakollu,
dawn huma mitluba li jimxu mal-Protokoll Mediku tal-ittestjar fuq persuni
mal-wasla tagħhom f’Malta, li jinkludi:
- PCR Swab Test li jsir sa 7 ijiem qabel il-vjaġġ tagħhom
lejn Malta u li jrid jirriżulta fin-Negattiv (Ir-riżultat, minn laboratorju
lliċenzjat jew akkreditat, għandu jinħareġ sa dakinhar tal-vjaġġ)
- PCR Swab Test li jsir bejn is-7-10 jum mal-wasla f’Malta
(it-test jista’ jsir billi wieħed iċempel il-COVID19 Helpline fuq 111 jew
jekk wieħed ikollu SIM card barranija jkun jista’ jagħmel kuntatt mal-Helpline
billi jċempel 21324086)
- Wieħed għandu josserva wkoll il-kwarantina, f’iżolament
minn kull persuna oħra għal 14-il jum sħiħ mal-wasla f’Malta. Wieħed
m’għandux jagħmel kuntatt ma’ persuni oħra minn familji oħra jekk dawn jgħixu
fl-istess post. Membri tal-istess residenza għandhom josservaw ukoll
ir-regoli ta’ kwarantina. Il-perjodu ta’ kwarantina għandu jkun osservat
b’mod sħiħ, irrispettivament minn kull riżultat negattiv ta’ swab test li
jsir. Dan skont l-Avviż Legali 63 tal-2020, Ordni fuq Perjodu ta’
Kwarantina (Emenda), 2020, emendat aktar ‘il quddiem b’LN 79, 252 u 279 tal-2020
- Ir-riżultati tal-iswab test u l-indirizz fejn għandha
tiġi osservata l-kwarantina għandhom jintbagħtu b’email lil quarantine.covid19@gov.mt
Fil-każ
li l-persuni jkunu ilhom residenti f’wieħed mill-pajjiżi msemmija hawn fuq għal
minn tal-anqas ġimgħatejn ma jkunx hemm bżonn ittestjar u lanqas kwarantina.
Aktar informazzjoni tinsab fuq: https://deputyprimeminister.gov.mt/en/health-promotion/covid-19/Pages/travel.aspx
Suġġetti Konsulari:
Għal
suġġetti konsulari b’rabta mal-COVID-19 wieħed jista’ jagħmel kuntatt
maċ-Ċentru għas-Sitwazzjonijiet fi ħdan il-Ministeru għall-Affarijiet Barranin
u dawk Ewropej fuq:
Helpline:
(356) 22042200
Email:
sitcen.mfea@gov.mt