Brexit

Ir-Renju Unit ħareġ mill-Unjoni Ewropea fl-1 ta’ Frar 2020 wara li ż-żewġ naħat ikkonkludew b’suċċess ftehim li ffaċilita tluq ordnat.


Dan il-ftehim jinkludi kapitoli dwar id-Drittijiet taċ-Ċittadini, il-Ħlas Finanzjarju, il-kwistjonijiet l-oħra ta’ separazzjoni u l-Protokoll dwar l-Irlanda ta’ Fuq li japplika bħalissa u li se jkompli jagħmel dan. Il-ftehim ipprovda wkoll għal perjodu ta’ tranżizzjoni – perjodu maħsub biex jagħti żmien lill-amministrazzjonijiet nazzjonali, in-negozji u ċ-ċittadini biex iħejju għall-bidliet li se jinqalgħu mill-1 ta’ Jannar 2021.


Fi kliem ieħor, wara t-tmiem tal-perjodu ta’ tranżizzjoni, ir-Renju Unit se jkun barra s-Suq Uniku u l-Unjoni Doganali tal-Unjoni Ewropea, u mhux se jibqa’ marbut bil-liġi tal-Unjoni. Dan se jbiddel b’mod sinifikanti l-mod li bih jimpenjaw ruħhom l-Unjoni Ewropea u r-Renju Unit.


Ser isseħħ firxa ta’ bidliet irrispettivament mir-riżultat tan-negozjati u huwa pertinenti li kulħadd ikun imħejji b’mod adegwat għal dawn il-bidliet issa. Il-Ministeru għall-Affarijiet Barranin u Ewropej niehda kampanja informattiva, Brexit – Be Prepared, biex il-pubbliku ġenerali u n-negozji jinżammu aġġornati bl-aħħar żviluppi relatati man-negozjati li qed iseħħu fuq livell Ewropew, u kif ukoll jingħataw informazzjoni dwar ix-xogħol ta’ tħejjija li qed iwettaq il-Gvern. Għal aktar informazzjoni, jekk jogħġbok agħfas hawn.