Ritorn tal-Ismijiet: infakkru l-vittmi

Numru ta' Referenza:  , Data ta' l-Istqarrija : Ott 30, 2020
 
Moska, 29 t’ Ottubru 2020 - L-Ambaxxatur ta’ Malta għall-Federazzjoni Russia, Pierre Clive Agius, ipparteċipa f’ avveniment kommemorattiv magħruf bħala “Ir-Ritorn tal-Ismijiet”. Dan huwa l-jum uffiċċjali biex jiġu mfakkra l-vittmi kollha li mietu matul il-kampanji ta’terrur ta’ Stalin. Madwar 30 miljun persuna huma mifhumha li ġew maqtula f’ dawn il-kampanji ripressivi. L-Ambaxxatur Agius poġġa l-fjuri biex jingħatha ġieħ lill-vittmi.

L-avveniment seħħ fil-Mafkar ta’ Solovetsky fil-Pjazza ta’ Lubyanka li hi fiċ-ċentru ta’ Moska u li hi quddiem l-eks Kwartieri Ġenerali tal-KGB.

Din is-sena minħabba l-pandemija, il-kommemorazzjoni kienet imnaqqasa u l-protokolli ta’ saħħa ġew osservati. Normalment, għaldaqstant, il-kommemorazzjoni issir fuq medda ta’ iktar minn jum fejn il-qraba tal-vittmi jimxu sal-mafkar biex jaqraw l-ismijiet tal-vittmi, għalhekk dan l-avveniment ġie mogħti t-titlu ta’ “Ir-Ritorn tal-Ismijiet”.

Ambassador Pierre Clive Agius placing flowers on the Solovetsky Stone Memorial in Lubyanka Square, Moscow. 

The Solovetsky Stone Memorial in Lubyanka Square at the centre of Moscow covered with flowers for the event.