Il-Kummissarju Għoli ta’ Malta fl-Indja, L-E.T. Reuben Gauci, jżur il-Kummunitajiet Reliġjużi Maltin f’ Kolkata (Kalkutta) u Dumka

Bejn l-24 ta’ Diċembru 2020 u s-27 ta’ Diċembru 2020, il-Kummissarju Għoli tar-Repubblika ta’ Malta fi New Delhi, l-E.T. is-Sur Reuben Gauci, akkompanjat mill-mara tiegħu, Dott Olga V. Gauci , bintu, is-Sa Alisa Gauci, u t-Tieni Segretarju responsabbli mill-Affarijiet Kulturali fi ħdan il-Kummissjoni Għolja ta’ Malta fl-Indja, is-Sa Eugenie Megally, għamlu vjaġġ lejn  Kolkata ( Kalkutta)  f’ Bengal tal-Punent u Dumka f’ Ġharkhand.

Fl-ewwel waqfa li kellu l-Kummissarju Għoli kienet fil-Belt ta’ Kolkata, nhar Lejlet il-Milied, fejn id-delegazzjoni iltaqgħet mar-Reliġjuż Malti, Bro. Karmenu Duca mill-Kongregazzjoni ta’ Santa Madre Teresa ( il-Missjunarji tal-Karita’). Bro. Karmenu Duca akkompanja lill-Kummissarju Għoli u lid-delegazzjoni tiegħu fuq il-Qabar ta’ Madre Teresa li jinsab fid-Dar Matriċi tal-Missjunarji tal-Karita’, liema kunvent huwa immexxi mis-sorijiet,  kien li kien iservi ta’ dar ta’ Madre Teresa waqt ħajjitha. Il-Kummissarju Għoli Malti, kien l-ewwel persuna li ġie milqgħuha f’ din id-dar Mattriċi  minn meta beda l-għeluq fl-Indja f’ Marzu tal-2020 minħabba l-pandemija tal-COVID19. Huwa poġġa bukkett fjuri fuq il-Qabar ta’ Madre Teresa f’ isem il-Gvern u l-Poplu ta’ Malta.

Bro Karmenu Duca serva ta’ Għalliem f’ Malta lejn tmiem is-snin tmenin. Huwa imbagħad ħalla Malta u serva f’ diversi postijiet bħala Missjunarju f’ Los Angeles, Kalifornja fl-Istati Uniti tal-Amerka kif ukoll fl-Amerka t’ Isfel fost l-oħrajn.  Bro. Karmenu Duca irritorna biex iservi fil-Belt Indjana ta’ Kolkota, fejn qiegħed jieħu ħsieb irġiel li huma pożittivi għall-HIV u nisa li jsofru minn mard mentali. Għalkemm jaħdem f’ sitwazzjonijiet diffiċli, Bro Duca huwa magħruf minn sħabu l-Brothers bħala persuna kkulurita li ġab miegħu ħafna ferħ fil-Kumpless fejn jaħdem permezz tal-arti tiegħu ispirata mill-arti Bengaliża.

Aktar tard, il-Kummissarju Għoli Reuben Gauci, il-familja tiegħu kif ukoll is-Sa Eugenie Megally kienu milqugħa mill-Konslu Onorarju ta’ Malta f’ Kolkata, is-Sur Ashok Kumar Jhunjhunwala u l-familja tiegħu.

Nhar Jum il-Milied, il-Kummissarju Għoli u d-delegazzjoni tiegħu imbarkaw fuq vjaġġ ta’ seba’ sigħat bil-karozza minn Kolkata għal Belt ta’ Dumka, li tinsab fl-Istat ta’ Ġharkhand. F’ Dumka id-delegazzjoni kellha l-pjaċir li tiġi milqugħha minn Sr. Emanuela ( Emanuel ) Borg  ( magħrufa bħala taż-Żundajru ), Fr. Paul Aquilina SJ, Fr. Joseph Gauci Sacco SJ u s-Sa. Marcette Buttigieg,  kollha missjunarji Maltin fl-Istat ta’ Ġharkhand. Sr. Emanuela Borg ( Soru tal-Karita’), Fr. Paul Aquilina SJ u Fr. Joseph Gauci Sacco SJ ( Ġiżwiti ) ilhom l-Indja għal aktar minn sittin sena.  Huma waslu lejn l-aħħar tas-snin ħamsin u qattgħu ħajjithom jgħallmu lil dawk anqas privileġjati, kif ukoll jieħdu ħsieb nies indiġeni fir-Reġjun magħruf bħala Adivasi. Is-Sa Marcette Buttigieg  ilha l-Indja għal aktar minn erbgħin sena tieħu ħsieb nies morda u nies bi bżonnijiet speċjali  waqt li introduċiet teknoloġiji ġodda u metodi ġodda edukattivi lil kommunitajiet li jibqgħu mhux konnessi tajjeb ma’ bliet metropolitani.

Dawn l-erba’ persuni Maltin huma l-aħħar Missjurnarji ta’ nisel Malti li għad fadal f’ Dumka. Matul is-snin huma rrnexxhielhom jitgħallmu l-ilsna tribali : Santali, Bengali u l-Hindi. Xogħolhom u d-dedikazzjoni tagħhom, kif ukoll l-isforzi bla qies li għamlu, huma ta’ ispirazzjoni kbira.

Il-pijunieri tal-Missjoni qalb is-Santal sa mill-1920, kienu prinċiparjament il-Ġiżwiti Maltin, flimkien ma’ numru żgħir ta’ Missjunarji minn pajjiżi Ewropej oħra. Matul dan id-deċenju, il-Belt żgħira ta’ Dumka laqgħet ukoll lil Malta Mission Fund, Organizzazzjoni Kattolika lajka , li flimkien mal-Ġiżwiti għenet fil-bini ta’ skola u ta’ dormitorju għal studenti bniet.  Min-naħa tiegħu, il-Gvern Malti  iffinanzja ground tal-Basketball fl-2014.