Il-Konslu Ġenerali ta’ Malta għall-Kanada jżur l-Maltin fir-reġjun ta’ Durham fil-provinċja ta’ Ontario

Numru ta' Referenza:  , Data ta' l-Istqarrija : Nov 02, 2020
 
Il-Konslu Ġenerali tar-Repubblika ta’ Malta għall-Kanada, Dr Raymond C. Xerri għamel żjara lill-Komunità Maltija fil-Belt ta’ Whitby, fir-Reġjun ta’ Durham, fil-Provinċja ta’ Ontario. L-aħħar żjara li saret lil din il-Belt b’ħafna Maltin kienet mill-ewwel Kummissarju għall-Kummerċ Malti u Konslu Ġenerali Onorarju, John Pisani meta ġie maħtur fl-1972. 

Il-Konslu Ġenerali, Dr Raymond C. Xerri kien milqgħuh mis-Sinjura Teresa Bugelli, il-koordinatriċi tal-Maltese Cultural Club of Durham, f’binja fil-Belt ta’ Whitby.  Dr Xerri ltaqa’ ma’ numru ta’ ċittadini Maltin u persuni ta’ dixxendenza Maltija fejn organizza laqgħa informattiva b’numru limitat ta’ nies skont  il-protokoli tal-imxija COVID19. 

Din iż-żjara fir-Reġjun ta’ Durham hija l-ewwel f’sensiela ta’ żjarat simili fid-dawl tad-domanda dejjem tikber mill-ġenerazzjonijiet ta’ żgħażagħ Maltin-Kanadiżi li ddeċidew li japplikaw għaċ-ċittadinanza Maltija u sabiex jakwistaw il-passaport Malti fost servizzi oħra mitluba.
 
Consul General Dr Raymond C. Xerri with the Maltese Community in the town of Whitby in the Durham Region, Canada.